КЫКӦНВорсісны мачӧн Нывка да зонка... — Мачтӧ кӧ вартін — — Ветлы мун... Он кӧ, — — Нывкаыс кӧрыштіс — Бусӧссьӧм ныр, — — Аканьӧн ворсны — Ме пыра дзик пыр. Педзыштіс зонка — Ветлыны лоас. Печиктан сылы — Бӧрдӧмӧдз воас. Котӧртіс мачыдла — Кокыс эз вӧв, Быттьӧкӧ чышкыштіс Му вывсьыс тӧв. Ворсісны кыкӧн — Нывка да зонка, Ӧтиыс — Коля, Мӧдыс — Алёнка. Ворсісны-дурисны Ичӧтик йӧз. Вӧлі сэк шондіа, Енэжыс — лӧз.
