АРСЯ РУ

Муса ёртанӧй, бура тэ мӧвпыштін, 
мунін ме дорысь кор, шондібан.
Тэнад морӧсыд том, шоныд, ӧзъялысь 
менам морӧскӧд йизьыштас тан.

Вӧрса туй дорын кельдӧдӧм дзоридз со 
лымйысь мыччӧма юрсӧ и рад,
Мый нӧ век на тэ, дзоридзӧй, виччысян?
Юртӧ копыртан воис нин кад.

Лолӧс та бӧрын уна мӧвп ыззьӧдліс, 
сӧмын ӧнӧдз на некыдз оз вун:
вӧрса туй дорын нэриник дзоридзтор, 
и ме шебравтӧг сійӧс эг мун.