* * *
Ме радейті Мусӧ, ме радейті вӧр,
а ӧні ме радейта сійӧс.
И сы кындзи сьӧлӧмам нинӧм оз тӧр,
мен сы пыръя югзис став мирыс.
Ме радейтлі войсӧ, ме радейтлі лун,
а ӧні ме радейта сійӧс,
код рӧмыдлӧн нывка, код шензьӧдан ун,
код рытланьыс югӧр моз сылӧ.
Ме радейтлі мукӧдсӧ, ачымӧс тшӧтш,
а ӧні ме радейта сійӧс.
Ми сы пытшкын ӧтувтчим: ачым да йӧз,
сы бипурысь ловзьӧдла биӧс.
Комиӧн гижис
Баженова Ӧльга