ЛӦНЬ

Мыйысь чӧскыдӧсь кӧръясыс тан гӧгӧрбок?
Тайӧ чӧвлуныс вежӧртӧ мый?
Мыйла бурасьӧм сьӧлӧмӧй тіпкӧ выль ног,
татшӧм ыджыд, да тӧдтӧм, да выль?

Кыла, дзоридзьяс надзӧник быдмӧны кыдз,
кыла, вӧрын кыдз сёрнитӧ пу.
Меным чайтсьӧ, мый кӧсйӧмъяс кисьмӧны сідз,
кыдзи кисьмӧдӧ быдтассӧ му.

Ставыс ме гӧгӧр чӧв, ставыс шемӧса лӧнь,
ставыс бурсиӧ, бурдӧдӧ тан.
Гырысь дзоридзьяс сьӧлӧмам воссисны ӧн,
налӧн кӧрысь и югыд, и шань.