ЛОКТӦ КОММУНАВыжывъяс, вешйӧ Туй шӧрсьыс, кежӧ! Пуксьӧмныд, бӧрдад, Шондісӧ ёрад? Выжывъяс, мунӧй! — Локтӧ коммуна. Тырмас, эн ойзӧ, Весалӧй туйсӧ!.. Пуксьӧмась сэні. Юр садьтӧм пемӧс, Ёрӧны гажсӧ, — Клуткӧны важсӧ. Мед эськӧ налы Вичкояс вӧлі, Мукӧдтор веськодь, Шогмытӧм, тешкодь. Ок, эськӧ, босьт да Тіянӧс ойкӧд! Удж вӧччӧм пыдди Ноксянныд попкӧд? Шняпвидзад няйтын! “Тані пӧ, майкыд Миянлы, гажа. Кевмам пӧ важ ног: Сарица небесна! Микӧла угӧдник! Мед тэ кӧ век на Сар да урадник!” Быд пӧрысь-выжыв Бӧрланьӧ кыскӧ, — Эжвалысь визув Бергӧдны-й вишкӧ! Еннас и попнас, Кинас и кокнас Том йӧзӧс кутӧ. Туй вежсӧ пыкӧ. Пӧрысьяс, вешйӧ Туй шӧрсьыс, кежӧ! Сы ни садь шкоргад. Этшасяд, няргад... Мый пӧ и колӧ? — Асьныд он тӧдӧ. Син водзысь мунлӧй; Синъястӧ куньлӧй! Василей блаженнӧй Райсӧ важӧн нин Тіянлы ломтӧ — Виччысьӧ овны. Весасьӧй, мунӧ! Локтӧ Коммуна... Ставыс сэн томӧсь, Вынаӧсь, ёнӧсь; — Шонді оз ёрны, Лёксӧ оз корны, Ті моз, оз тшыкны — Туйяс оз пыкны. Налӧн Коммуна Тӧв ныр моз, ньӧв моз Лэбӧдӧ, мунӧ. Туй кузя тӧвзьӧ. Югыдлань — водзлань! Тыр-долыд уджлань! Личыд сэн лоӧ Выль йӧзлы овны! — Кыпыд да долыд. Выжывъяс, кылад? Локтӧ Коммуна, Талялас! Мунӧ! Выль олӧм вӧсна Босьтчӧ том йӧз! “Сарица небесна”, “Сус Кристос”, — кеж!
