РУЧ

Сьӧд вӧр шӧрын олӧ-вылӧ.
Абу сюзь, но кыйӧ шыр.
Пашкыр бӧжыс дона сылӧн,
Налькйӧ оз сюй ассьыс ныр.

Мойдын сійӧ медся наян —
Ылӧдчыны кужысь ань.
Ставлы сэні шогсӧ ваяс,
Кольӧ бурӧн сӧмын кань.

Пӧльлысь ректас додь тыр чери,
Кӧин воштас ассьыс бӧж.
Кӧчӧс вӧтлас гортсьыс нериг —
Тадзи сюсялас нэм чӧж.

Пыр на олӧ сьӧд вӧр шӧрын
Пашкыр бӧжа мудер руч.
Гусясяс на пӧчлӧн йӧрысь,
Оз тай юрыс сылӧн усь.