* * *

Чужан сиктӧй — нӧрыс йылын,
кыпыд, югыд мылькъяс вылын.
Сійӧ — быттьӧ тури гӧрӧд.
Вот-вот качас енэж шӧрӧ.
Мыйӧн сиктным весьтын кылас
арся турияслӧн сьылӧм,
мылькъяс вылын шойччӧм бӧрын
сиктӧй качас енэж шӧрӧ.
Вичко, йӧзыс, вӧвъяс, пуяс —
ставныс мӧдӧдчасны туйӧ.
Збыль мӧй мӧдӧмаӧсь найӧ
тӧдтӧм, ылі саридз саяс?
Куим кытшов вӧчӧм бӧрын
сиктӧй пуксяс мылькъяс шӧрас.
Натӧг, натӧг тури гӧрӧд
водзӧ лэбӧ енэж шӧрӧд...