МЕДВОДДЗА ПОЭТ НИМСЯНЬ

Чужан муысь тӧдтӧм муӧ мӧда.
Мый сэн лоас — ӧтнас енмыс тӧдӧ.

Гашкӧ, сэні шогсьӧмӧйла дзорма,
Гашкӧ, кута милӧстина корны.

Гашкӧ, аслас пинас менӧ шуас
Ичинь туйӧ видзӧм ылі муыс.

Гашкӧ, абу ас да дона муас сэні
Бӧръя туйӧ мӧдӧдасны менӧ.

Ог кӧ сэсся чужан муӧ волы,
Тури чукӧр ваяс менсьым лолӧс.

Кывзӧй, кывзӧй налысь сьылан горсӧ:
Менам лолын сигудӧклысь ворсӧм.

Лунвыв мусянь пӧльтысь небыд тӧлыс
Ваяс гортӧ менсьым мыла гӧлӧс.

Коми мулӧн джуджыд мылькъяс вылас
Сьылас менсьым муса сьыланкылӧс.

Петӧм шонді аслас шоныд сывъяс
Ваяс меӧн шуӧм бӧръя кывъяс.

Петӧм шонді менам нимсянь шуас,
Радейтлі мый чужан Коми муӧс.