* * *

Тайӧ му вылас чужан да,
			овнысӧ — ӧтчыд.
Шудсӧ корсян да,
		нэм чӧжыд сы бӧрся вӧтчан.
Нэм чӧж сы бӧрся вӧтчан да,
			он на тай вӧтӧд.
Сӧмын сулывлан, вӧтчан да,
			ылӧдчысь вӧтын.
Кӧть и суӧдан вӧтнад
		да радлан, мый кыйин,
ковмас шогысла дзормыны, —
			палялан мыйӧн.
Садьман асывнас, садьман да, —
			кольӧмыд ӧтнад:
шудыд пышйӧма олӧмсьыд, лэбӧма
					вӧтнад.
Садьман асывнас, садьман да, —
			лолыдлы пемыд:
шудсӧ корсин да, шудтӧгыс
			кольӧма нэмыд.