* * *

Ме пӧрысь нин, ныланӧй, пӧрысь —
Тэд эськӧ пӧсь сывъяса зон.
Ме ӧдва нин легысь да вӧрысь
И абу нин йӧра кодь ён.

И тэнӧ кӧ кодікӧ дойдас,
Кыдз водзӧссӧ перйыны мен?..
Ме этша нин муслуннад ойда,
Пыр частӧджык гӧтыркӧд вен.

И пиян ӧд кыкӧнӧсь эмӧсь,
Он тӧдлы — и гӧтрасян кад.
Ог прӧстит ме ачымӧс нэмыс,
Став олӧмлысь торка кӧ лад.

Эн сэтшӧм тэ мусаа видзӧд,
Мен тэысь на ёнджыка шог.
И Енмыс на, буракӧ, видзис,
Мый тэ дорӧ тӧрыт эг лок.