ЗОНЛӦН СЬЫЛАНКЫВ

Мыйта нылыс — шаньыс, бурыс,
Медся мусаыс нӧ кӧн?
Кор нӧ сійӧ меным сюрас?
Оз нин овсьы ӧтнамӧн.

Кӧнкӧ эськӧ сійӧ кылӧ,
Да оз петкӧдчы тай мем.
Кытчӧ дзебсин, мича нылӧй?
Тэ ӧд вӧльнӧй светас эм.

Кывзы сьыланкывсӧ тайӧс,
Кӧні, шыась, сьӧлӧмшӧр.
Муна сизим гӧра сайӧ,
Вуджа сизим ва да вӧр.

Мыйта нылыс — шаньыс, бурыс,
Медся мусаыс нӧ кӧн?
Кор нӧ сійӧ меным сюрас?
Оз нин овсьы ӧтнамӧн.