ПУЖ

Гӧна гыӧрӧн шебраліс пуж,
Кӧдзыд саридзлӧн лов шыыс воис,
Абу юрӧй, а сьӧлӧмӧй куш,
Вирӧй, буракӧ, кӧдзыдӧн лоис.

Бордтӧм бобулӧн лэбалӧ кор,
Еджыд йи вылӧ кӧнікӧ усяс.
Ӧні тэ дорӧ мунны мен сёр,
Миян нинӧм нин, чайта, оз пусьы.

Аски камнитас, талун кӧ оз,
Гырысь шыдӧсӧн енэжсянь кисьтас.
Сӧмын ӧні тэ, тулыснас моз,
Ассьыд радейтӧм меным эн висьтав.

Сійӧс виӧма сӧніка зэр,
Коді войдӧрлун таланьӧ воліс.
Кӧть нин лэбулӧ сувтлыны коліс —
Зэв на вӧлӧма муслунным нэр.