ГӦТРАСЬТӦДЗ

Кӧні вӧлі — абу сэн,
Узи кӧ, то ола.
Бара кывтыд помӧ мен
Мӧдӧдчыны колӧ.

Мусукӧй дай ичмоньӧй
Буретш талун корис.
Эг кӧ ло на дзикӧдз йӧй, —
Вӧрзя пемдандорыс.

Зэв ӧд сійӧ шань да бур,
Сідзи кӧ нин шуны.
Пальӧдыштас тӧлктӧм юр
Да и лэптас юны.

Гӧтрасьтӧдз кӧть бӧръясӧ
Ола тадз ли сідзи.
Коді нӧ кызь бӧръясад
Пӧдруга оз видзлы?

Кӧні вӧлі — абу сэн,
Узи кӧ, то ола.
Эн жӧ лёксӧ сиӧй мен —
Овны на ӧд колӧ.