ЭЖВА БЕРЕГЪЯССЬЫС ПЕТІС

Эжва берегъяссьыс петіс,
Вӧр-пу йылын сылӧн пом.
Сьӧлӧм муса зонлы сеті —
Ки на ки да вом на вом.

Эжва пыдӧсӧдзыс чиніс,
Кӧсъян пӧдны, да он пӧд.
Зонмӧй волас йӧктанінӧ —
Менӧ быттьӧкӧ оз тӧд.

Эжва поньтасис кыз йиӧн,
Тулысӧдзыс зэв на дыр.
Кынмӧ кокӧй, кынмӧ киӧй,
Но ме юкмӧсас ог пыр.

Эжва берегъяссьыс петас,
Вӧр-пу йылын лоас пом.
Ог на вош ме вӧльнӧй светас —
Зэв на мича, зэв на том.