УДАЛ КЫЙСЬЫСЬ

Вӧрын удал кыйсьысь олӧ,
Сэтчӧ ветлыны мен колӧ.
Гажӧй вывті ёна бырис,
Сьӧлӧм шог-печальӧн тырис.
Сійӧ муса вӧсна полӧ —
Дыр нин мыйлакӧ эз волы.
Гашкӧ, мыйкӧ сыкӧд лоис?
Эз кӧ, эськӧ важӧн воис.
Часлы, муса дінӧ мӧда,
Сэтчӧ ордымсӧ ме тӧда.
Туйыс меным ӧдйӧ сюрӧ —
Кайлӧ ягӧ, нулӧ нюрӧ,
Волӧ раскӧ, сэсся ольӧ,
Ыджыд гӧра бокӧ кольӧ.
Сэсся аддзан эрда серпас,
Сэні сулалӧ вӧр керка...
Вӧрын удал кыйсьысь олӧ,
Сэтчӧ ветлыны мен колӧ.