НЫВЛӦН СЬЫЛАНКЫВ

Льӧм пу дзоридзалӧ йӧрын,
Ме и ачым дзоридз.
Бара жӧник воліс тӧрыт,
Верӧс сайӧ корис.

Зонмыс эськӧ кутшӧм колӧ!
Но ӧд абу любӧ.
Татшӧмыдкӧд менам олӧм
Нэмыс лоӧ дубӧн.

Аддза на ме сьӧлӧмшӧрӧс —
Сьӧлӧм тадзи кылӧ.
Мунӧма пӧ парма шӧрӧ,
Гортсянь ылӧ-ылӧ.

Сэн пӧ важӧн кыйӧ-виӧ,
Низьӧн-ручӧн воас.
Мед и тайӧ парма пиыс
Верӧсӧн мен лоас.

Вая сылы багатырӧс,
Ӧтиӧс дай мӧдӧс...
Сӧмын сійӧ ветлас дыр-ӧ,
Некоді оз тӧд-а...