ТАМАРА

Чашйӧ гудӧк «Шондібансӧ» яра,
Бура дыр нин мудзӧмсӧ оз кыв.
Йӧктӧ медся лӧсьыда Тамара —
Верӧс сайӧ петавлӧм нин ныв.

Медся мича сійӧ йӧктысь дзуас,
Медся югыд чужӧм вылас нюм,
Век на томлун морӧс пытшкас пуӧ,
Кутӧ ыджыд муслун йылысь дум.

Сёрни кывсьӧ: мисьтӧма пӧ олӧ,
Сӧмын некод лючкисӧ оз тӧд:
Луннас некод гачаыс оз волы,
Войнас тайӧ местаясын сьӧд.

...Чашйис гудӧк «Шондібансӧ» яра,
Каличасьтӧдз мудзӧмсӧ эз кыв.
Юрлӧс вылын сыркъялӧ Тамара —
Верӧс сайӧ петавлӧм нин ныв.