КОЛИП

Сиа Лидия Логиновалы

Код нӧ сьылӧмысь-йӧктӧмысь видас?!
Гудӧк лӧсьыда нуӧдӧ лад.
Сьылӧ садикын уджалысь Лида,
Кутшӧм лӧсьыд пӧ томдырся кад.

Сэтшӧм лӧсьыда ливкйӧдлӧ нылыс —
Сылӧ, вӧлі кӧ сьӧлӧмын из.
Кекӧначӧмӧн горзӧны сылы
Лолӧн кыпалӧм войтырыс: «Бис!»

Сьывны корӧны выльысь и вылысь,
Ок и дзользьӧ жӧ Лида дай ныв.
Сійӧ, шуны кӧ, колип кодь збыльысь,
Кодысь бурджыка некод оз сьыв.

Код нӧ сьылӧмысь-йӧктӧмысь видас?!
Сӧмын гажнас и кылӧдам шог.
Сьыв жӧ, асланым мичаник Лида,
Пугачёваыд татчӧ оз лок.