* * *

Енмӧй, тэ кӧ кӧнкӧ эм.
Тэ кӧ менӧ кылан,
Менам ёртлы сет кузь нэм.
Дыр мед олас-вылас.

Челядьӧйлы вежӧр сет.
Кужисны мед овны,
Йӧзӧс радейтісны мед,
Нинӧмысь эз повны.

Гӧтырӧс эн вунӧд... но?
Шань зэв сійӧ менам.
Медым, кодыр ме ог ло,
Сьӧкыдлунсӧ венас.

Мамлы дзоньвидзалун сет,
Рад зэв сійӧ лоас.
Нӧшта олыштас на мед,
Сёӧдз, дерт, оз во-а.

Аслым нинӧмыс оз ков,
Он кӧ менӧ ёр и...
Места вылын лоӧ лов,
Вӧчан кӧ, мый кори.