ВӦТ

Вӧтасьла ме, быттьӧ вӧя,
Горза — некоді оз лок.
Вабергачас кыскӧ йӧйӧс,
Сэн оз судзсьы ки ни кок.

Вомӧ визув ваыс пырӧ,
Регыд тшӧкнита — и пом.
Вӧльнӧй светас олі дыр-ӧ?—
Ме ӧд дӧбельки на том.

Тӧрыт гӧтраси на сӧмын,
Весиг кагаыд оз чуж.
Ковмас менӧ дзебны сьӧмыд, —
Нинӧм абу, зепным куш.

Гартӧ вабергачыс, гартӧ,
Со и вӧя — буль-буль-буль...
Гӧтыр мыйӧн бокӧ вартас,
Садьма, вомысь петӧ дуль.

Збыльысь, ӧтчыд вӧя вӧлі,
Пыжӧй путкыльтчыліс кор.
Нӧшта пыжӧ кӧ ме сӧла,
Збыльысь вӧя, водз ли сёр.