ТУЙ ВӦЧӦМ

Дудіс вӧв, оз вӧрзьы, быттьӧ кын,
Кӧть тэ чегъяв вылас сирӧд майӧг.
Вӧлыс абу дыш ни абу наян —
Вӧлыс мудзис, сылӧн абу вын.

Кӧть тэ ачыд вожъяс костас пыр,
Груза додьсӧ челикӧдыс няшкы,
Кытчӧдз кокыд кытчӧкӧ оз чашкав,
Кытчӧдз лолыд коньӧрлӧн оз тыр.

Мортӧй, вӧвсӧ жалитышт, эн нӧйт,
Сійӧ, часлы, шойччыштас и вӧрзяс.
Лоас туй, и мунасны тэ бӧрся,
Кӧть и быдӧн шуас, мый тэ йӧй.