ГИЖТӦМ ПИСЬМӦ

Ме ордӧ локтіс ветеран,
Москваӧ письмӧ гижны корис.
Ог аддзы правдасӧ пӧ тан,
Кӧть шыасьлі пӧ уна дорӧ.

Эз ло пӧ некӧн тӧлк ни лад,
Кӧть перестройка важӧн мунӧ.
Эз лок пӧ татчӧ сэтшӧм кад,
Мед збыльсӧ збыльӧн эськӧ шуны.

Начальстволӧн пӧ сямыс важ,
Мый кӧсйӧ, сійӧс пӧ и вӧчӧ.
Эм дача сылӧн и гараж,
А пескӧн дзескӧдӧма пӧчӧс.

Сикт гӧгӧр кушмис пӧ нин вӧр,
А юын йӧрш пӧ сӧмын олӧ.
Кӧть ырзӧмӧн пӧ сэсся бӧрд,
А некод некытысь оз волы.

Ме шуи сылы: «Эскы, дед.
Дзик та вӧсна жӧ висьӧ сьӧлӧм.
Москваӧ эг на гижлы, дерт,
Но тэ дор олігчӧжным вӧлі.