ӦНІЯ ТОМЛУН

Ми пӧрысь йӧзӧс пыдди пуктылім,
Эз петлы вомысь мисьтӧм кыв,
А водзӧс преник-кампет чуктыліс
Да батьлӧн-мамлӧн кодь жӧ сыв.

А ӧні томъяс сюрсӧн кырссьӧны,
Но паныд кыв ни джын эн шу.
А шуан — верман вирнад мыссьыны:
Он тӧд, кор кутшӧм налӧн ру.

А ӧні ылӧджыкӧ ыстӧны
Да пон моз жерйӧдлӧны вом.
И бӧръя рубтӧ зепсьыд кыскӧны,
И эльтӧны: «Эн дзизгы, ном».

Ми пӧрысь йӧзӧс пыдди пуктылім,
А коркӧ вештылім кӧ сям,
То насянь балябӧжӧ чуктыліс,
И таысь ошкисны бать-мам.