МЕЛЬНИЧАМельничаӧй, видза олан. Код нӧ тэнӧ жуллис? Кодлӧн татшӧм мисьтӧм лолыс — Вевттӧ кушӧдз кулис? Кӧні тэнад изки гӧгыль, Васӧ нуысь ворйыд? Кӧні изысь — Семӧ бӧбыль, Кӧні изанторйыд? Мельничаыс пыдди дойӧс Кывзіс пӧч да шуис: «Йӧзсӧ, пиӧ, дышыс сёйис, Пыр на сиктным юис. Мельничалысь вевтсӧ быдӧн Аслыс чашйис-йирис. Изки гӧгыль зэв жӧ пыдын — Слань горувса йирас. Изны нинӧм. Муяс вылӧ Турун сӧмын петӧ. Семӧ куліс. Ачым кыла — Регыд лоа сэтӧн». Кывзі пӧчӧс. Курдіс сьӧлӧм, Горшӧ сатшис лолӧй. Сиктӧй дзик нин кулӧ вӧлӧм, А ме бокын ола. Но а, быттьӧкӧ ме вӧлі, Мыйкӧ эськӧ вӧчи?.. Челядь дырйи моз ю пӧлӧн Гортӧ нуӧ пӧчӧ.
