ГУМЫЛЬГА

Тары-бары, расты-бары,
Абу сар ни абу барин —
Уджав, радлы, ов!
Мыйла эськӧ йӧйӧсь, гӧльӧсь,
Кодыр татшӧм ыджыд вӧля?
Мыйла бӧрдӧ лов?

Тары-бары, расты-бары,
Пурам ӧта-мӧдӧс яра,
Быдӧн — вир да коль.
Гумыльгаӧн олӧм мунӧ,
Быттьӧ ӧшинь лун шӧр лунӧ
Киссьӧ зиль да зёль!

Тары-бары, расты-бары,
Бара ӧмӧй колӧ сарыс,
А оз господь-ен?
Кыдз нӧ эськӧ лоны мортӧн?
Кӧн нӧ эськӧ веськыд ордым?
Гӧгӧр ӧмӧй стен?