ВИР ЮЫСЬ

Юрас — нямрасьӧм шляпа,
Кокас — гӧленьтӧм боті.
А ӧд ветлывліс тшапа,
Кӧть и ёнакодь чотіс.

Вӧлі предӧн колхозын,
Морӧс вомӧныс — волыс.
Йӧзлы индалігмозыс,
Вина дучкис да оліс.

Сыӧн видлытӧм баба
Сиктын ӧдвакӧ колис.
Эз вӧв та вылӧ лябысь
Тшӧгӧм-госсялӧм польӧ.

Юрсӧ вундыны сылысь
Таысь некодлы вӧлі:
Фронтовикъясыд ылын
Гуын куйлісны чӧла.

Ӧні гӧрбыля, дзӧрӧ,
Бӧръя здукъяссӧ олӧ.
Шойна выланым тӧрас,
Кӧть и шыбитны колӧ.