ПАРАСЬНинӧм Енмыскӧд он вӧч, Пӧрысьман да коркӧ кулан. Ветлӧ дзикӧдз едждӧм пӧч Лымъяс, зэръяс, слӧтъяс улын. «Видза олан, Парась тьӧт!» — Сылы вочаасигӧн шуан. Но оз томуловтӧ тӧд, Видзӧдлассӧ лэдзӧ муӧ. Талун — тан, а аски — сэн, Сійӧс кывзысь век на сюрӧ, Коді пыдди пуктӧ Ен, Коді важсӧ кутӧ юрас. Кузь да гажтӧм, кӧнкӧ, вой Сылы ӧткӧн керка пӧлас, Кӧн эз вӧвлы, гашкӧ, дой, Кӧні тырыс челядь вӧлі. Ветлӧ дзикӧдз едждӧм пӧч, Вуджӧ лымъяс, зэръяс, ваяс. Мыйысь, ачым ме ог тӧд, Но вай прӧстит, сирӧтаӧй.
