ТУЛЫСЫН

Олӧмсӧ олӧма-вылӧма...
Паметьын — ичӧт на кор:
Лымйыс и сӧнікыс сылӧма,
Солькъясьӧ юнымлӧн дор.

Пыдӧстӧм енэжыс лӧсталӧ
Мамӧлӧн чышъяныс моз.
Вундала, стружита, лӧсала —
Вӧча скворечьяслы поз.

Лапасӧ син вылас тэчалӧ —
Шондіысь мынтӧдчӧ кань.
Абутӧм потш вомӧн чеччалӧ
Вӧлясьыс коддзыштӧм чань.

Кодлӧнкӧ гудӧкыс чӧлалӧ
«Русскӧй», и шызьӧма рас.
Лунвывсянь войвылас тӧлалӧ,
Шоналам регыд нин, час.