Ю ДОРЫН

Дрӧж босьтіс шонді петігӧн ю дорас,
Но муна ӧмӧй сиктӧ? — Он-ӧ босьт...
Ӧд менӧ татчӧ важӧнкодь нин корис
Ва турун бӧжа, гульчунь изъя косьт.

Тан сӧмын бурдӧ пикӧ воӧм лолӧй,
Кор меным весиг луныс — пемыд вой:
Ӧд, овлӧ, ачым шогмытӧма ола,
Ӧд, овлӧ, йӧзыс вӧчалӧны дой.

Кор тані ӧтнам бипур дорас узя
Да пытшкӧ кыска чужан мулысь кӧр,
То кӧсъя овны мичаа да кузя
Да эска, ставыс ладмас на мый бӧр.