СЬӦЛӦМШӦР

Мед лым, мед зэр, мед ырыштчылӧ слӧтӧн,
Мед чужӧмбанӧс гижтӧ вӧр пу ньӧр,
Тэ, чужан муӧй, — вемӧсӧй и вӧтӧй —
Дзик мамӧ кодь жӧ шоныд, сьӧлӧмшӧр.

Ме ичӧт дырйи йӧвсӧ чурски сылысь
И гортйӧ водтӧдз нэмыс лоа пӧт.
А тэнад виддзысь-вӧрысь, тэнад кылысь
Ме вӧльнӧй светсьыс бурджыксӧ ог тӧд.

Эм Габов грездын кыддза-льӧмъя нӧрыс.
Ме сэсянь аддзи тэнсьыд ыджыд мич.
Мед сэні лоас менам креста йӧрыс, —
Ӧд тэысь бура некоді оз видз.