* * *

Ытва дырйи
пӧльлысь пыжсӧ
нуис,
гуис
пӧльӧс вердысь
Эжва юыс.
Кӧні
сійӧ ӧні?
Бадьяс пиын,
гашкӧ, зэв нин важӧн
сісьмис сійӧ.
Батьлӧн пыжыс
кыркӧтш дорын воймӧ-дзормӧ.
Сійӧс юӧ лэдзны бара сёрми.
И со бара
Эжва юӧс дорис арыс,
и ме чӧла
Эжва пӧлӧн
муна
лымъя лунӧ.
Сьӧлӧмын да лолын
кӧсйӧм олӧ:
ассьым пыжӧс вӧчны колӧ.
Тӧлыс мунас.
Вунас.
Лымйыс сылас.
Тури горзӧм кылас.
Воас тулыс.
Эжва тулас.
Пыжӧс лэдзӧм бӧрын
пета Эжва шӧрӧ.
Тувсов гыяс вывті
увлань кывтла:
гашкӧ, кыськӧ кыркӧтш дорсьыс
пӧльлысь пыжсӧ корся.
Сэсся коркӧ-й ката.
Татӧн,
Эжва йылас,
вичкояса мылькъяс вылас
ордым визьлӧн помыс.