ПИПИЛИСТЫ СӦКӦЛ

Кӧні менам шудӧй — пипилисты сӧкӧлӧй?
Пипилисты сӧкӧлӧй, кытчӧ меысь лэбӧмыд?
Пипилисты сӧкӧлӧй, коді тэнӧ дзебӧма?
Чужан муысь йӧз муӧ тэнӧ корсьны петлывлі.
Тэла, менам сӧкӧлӧй, саридз сайӧ ветлывлі.
Кызь арӧсӧн, сӧкӧлӧй, биа лугтӧ вуджӧма.
Нелямынӧн, сӧкӧлӧй, Ёма лугтӧ вуджӧма.
Тэнӧ, менам сӧкӧлӧй, нэм чӧж лои корсьӧма!..
Сӧмын тэнӧ, сӧкӧлӧй, аддзыссьӧма-корссьӧма...
Висьталӧны: Ёмаыс зарни тывйӧн кыйӧма.
Висьталӧны: сьӧлӧмад эзысь ньӧвйӧн лыйӧма.
Висьталӧны: ачыс пӧ сэсся шӧри орӧдчис.
Сэсся пӧ тай Ёмаыс ӧдзӧс костӧ топӧдчис.
Сэсся пӧ тай ачыд кӧть пӧлать сёрйӧ ӧшӧдчы.