ПИТИРИМ СОРОКИНӦС КАЗЬТЫВЛІГӦН

Тан мем гажтӧм, шуштӧм...
Мый мен тайӧ мусьыс?
Мый мен тайӧ мусьыс?
Тані шогӧ уси.
Мый мен тайӧ мусьыс?
Кӧть и быдми тані,
ӧні тані ставыс,
ставныс меным паныд.

Мый мен тайӧ мусьыс?
Сьӧлышта дай муна...
Слабог, му шар вылас
мунан туйыс уна.
Слабог, кокъяс улын
эм на аслам ордым,
кӧть и ставнан туйыс
Ен ли Дьявол ордӧ.

Мый мен тайӧ мусьыс?
Коді тані кутӧ?
Ковмас мунны — муна...
Овсяс Коми мутӧг...
Нӧрыс йылӧд рӧдтысь
чиган табор бӧрся
ӧтка чиган морт моз
ылі туйӧ вӧрзя...