СВАДЬБА


1

Свадьба улич вылӧ петіс,
Дзескыд лои жыр.
Бара гудӧк гӧлӧс сетіс,
Йӧкты да эн пыр.

Орччӧн сулалӧны кыкӧн,
Вомныс — ваш на ваш:
Верӧс — олӧмыслӧн пыкӧд,
Гӧтыр — олан гаж.

Мед жӧ енмыс найӧс видзас,
Лоас сьӧлӧм пым.
Нылыс кодь жӧ, еджыд, мича,
Усьӧ небыд лым.

2

Лӧсьыд зыкӧн, ыджыд гажӧн
Ӧдйӧ колис свадьба лун.
Водалісны ставыс важӧн.
Личкис жӧ тай сэсся ун.

Но а сваттяяслы ӧні
Воис кыв кутана кад:
Пызан вылысь идралӧны,
Чышкалӧны сэт и тат.

Вель на лӧсялӧмӧдз ылын,
Кӧть и ӧні ӧти рӧд.
Но ӧд, кыдзи пи да нылыс.
Мусмасны на, сійӧ-й тӧд.