МИЧА НЫВ

Батьыслӧн да мамыслӧн
Быдмӧ мича ныв.
Лӧсялӧ зэв сямыслы
Вежавидзан кыв.

Ёнакодь нин тӧдчӧны
Морӧсас кык мыльк.
Окота нин вӧччыны,
Кывны рытъя зык.

Абу нывлӧн полӧмыс,
Лёксӧ оз на тӧд.
Чайтӧ: мича олӧмыс,
Нинӧм абу сьӧд.

Оз на тӧд, мый муслунлы
Частӧ волӧ пом,
Сьӧлӧмъяс мый куслӧны,
Кӧть и ачыд том.

Би вылӧ моз сетчӧмыс
Артмӧ бобув моз.
Кильчӧ вылысь лэччӧ нин.
Сотчас али оз?..