ЮАЛӦМ

Вермасны-ӧ лоны сэтшӧм кывъяс,
Медым шуны, кутшӧм дой ли шуд?
Вермасны-ӧ лоны сэтшӧм нывъяс,
Медым эськӧ коскӧдныс эн кут?

Вермасны-ӧ лоны чужан муяс,
Кӧні сьӧлӧм вӧлі эськӧ кын?
Вермасны-ӧ лоны сэтшӧм юяс,
Кыті мортыс ӧніӧдз эз сын?

Вермасны-ӧ лоны сэтшӧм вояс,
Медым шудыс сӧмын вӧлі сэн?
Вермасны-ӧ лоны сэтшӧм дойяс,
Кодӧс мортыс ӧніӧдз эз вен?

Вермасны-ӧ сэтшӧм йӧзыс лоны,
Медым налӧн эз и овлы мыж?
Вермасны-ӧ сэтшӧм лунъяс воны,
Медым бырис олӧм вӧсна тыш?