ВОСТЫМ

Быттьӧ востымӧн томлунӧй вирдыштіс,
Быттьӧ вӧлі син лапнитӧм кост,
Усьысь кодзулӧн быттьӧкӧ дзирдыштіс —
Оз нин бергӧдчы некор, оз кос.

Быдтор олӧмам вӧлі жӧ эськӧ да:
Он ӧд ангелӧн мортыд тай чуж.
Но ме синъясӧн видзӧда веськыда,
Мортлы лёкторсӧ вӧчны ог куж.

Биын сюмӧд моз шогӧйла гартчылі,
Весиг нӧйтлісны: туйсьыд пӧ кеж.
Но ме томлунӧс,
Талань кӧ вартчыліс,
Эськӧ мӧд вылӧ некор эг веж.