ПРОКӦ ДЕД

Ичӧтдырӧ вола,
Мӧвпалыштны мед.
Мекӧд сэні олӧ
Пӧрысь Прокӧ дед.

Другася ме сыкӧд,
Кӧть и абу ас.
Сёрнитам ми кыкӧн
Кык да-й куим час.

Чери кыйны нулӧ,
Кӧні джуджыд йир.
Чӧскыд юква пулӧ,
Сёям сын да сир.

Босьтлӧ менӧ вӧрӧ,
Сыкӧд ме ог пов.
Кыйдӧс юкӧ шӧри,
Кыдзи нянь да сов.

Нулӧ менӧ гортас,
Пайдӧ кынӧм нур,
Менӧ, батьтӧм мортӧс,
Индӧ вӧчны бур.

Ичӧтдырӧ вола.
Мӧвпалыштны мед.
Мекӧд сэні олӧ
Муса Прокӧ дед.