БАТЬ ДА ПИ

Ме батьтӧг быдми, пӧт и тшыг,
Ме быдми, рам и лукав.
Ме лёксӧ тӧдлі, но эг тшык —
Эг кӧнкӧясын пукав.

И эм кӧ ӧні олан ру,
То мамӧй сійӧс сетіс.
Да шонтіс менӧ чужан му,
Да йӧзлӧн жальыс петіс.

Ог омӧльт батьӧс ни ог ёр,
Семьяа мортыс важӧн,
Но шуи, дозйӧн пырис кор:
«Ов ачыд аслад гажӧн!

Кор вӧльнӧй светсӧ аддзис лов,
Сэк коліс лоны дасьӧн...»
Ас йӧзлы висьтасьны ог пов,
Мый шуся Ӧдя Васьӧн.