ӦШЫБКА ОЗ ЛО

Кӧн атомнӧй бомбаыс потіс
Да йӧзсӧ сьӧд шомӧдзыс сотіс,
Сэн из вылӧ гижӧма со:
«Ӧшыбкаыс сэсся оз ло».

Ӧшыбка пӧ сэсся оз ло...
Но мирсӧ со мыйта нин во
Век повзьӧдлӧ сійӧ жӧ США-ыс,
Оз тырмы мӧй муыс да ваыс?

Ӧшыбка пӧ сэсся оз ло...
Ми кӧсъям кӧть эскыны, но
Ракетаяс шӧтісны мусӧ,
Мый олӧмыс наысь и кусӧ.

Ӧшыбка пӧ сэсся оз ло...
А кӧсйӧны правдасӧ со
Выль бомбаӧн повзьӧдны тонӧ,
Код виалӧ йӧзсӧ нейтронӧн.

Ӧшыбка мед некор оз ло!