ВӦВ

Вӧвлӧн кӧзяиныс фронт вылӧ муніс,
Вӧвсӧ жӧ, гӧригӧн, сэтчӧ эз нуны.
Вӧв дінӧ бать пыдди локтіс сэк пиыс,
Слабиник вӧлі кӧть ичӧтик киыс.
Юрсӧ век муланьыс копыртліс вӧлыс,
Сийӧс мед тӧрис и зонкаыс сӧліс.
Тадзи и гӧрисны-кӧдзисны найӧ
Серамӧн-синваӧн йиджтысьӧм майӧдз.
Вӧвлӧн кӧзяиныс фронт вылысь воис,
Гӧрӧктіс чибӧыд, рад жӧ зэв лоис.
Важ мозыс сӧмын эз кыпты тай юрыс,
Муӧдыс кыскасис вӧлыслӧн бурысь.