ЙИ ВЫЛЫН

А кӧдзыдыс! Мед морыс сійӧс лыяс,
А оз кӧ лый, то чӧртыс нуас мед.
Но йи куд улысь чери мырдӧн кыям,
Кӧть сійӧ мырдӧн миянлы оз шед.

Мед морӧс кудйын шоныд дырджык оліс,
Ми гыркйӧ лэдзам биа, курыд чай
И сёрнитам, мый гортӧ мунны колӧ,
Кӧть некод дыр на берегӧ оз кай.

Но чери жальӧн сідзи-й кольӧ юас,
И шуам ми, мый кокным тан оз ло.
Но кытчӧкӧ да чӧртыс бытьысь нуас,
Тэ сӧмын регыд, вуграсян лун, во!