АСКӦД ӦТНАМӦНВӧр керкаыс киссьӧма важӧн, И пес нин оз керъяссьыс пет. Но, та вылӧ видзӧдтӧг, гажа Тан, вӧр пытшкас, артмыштӧм эрд. А вӧрас кӧ пыдӧджык пыран, То мыйыс тэд сэтысь оз сюр — То ельдӧг тэ казялан дырӧн, То тыдовтчас гобйыслӧн юр. Но сӧмын мӧй вотӧс мен колӧ, Но сӧмын мӧй колӧ мен тшак? — Ме татчӧ ӧд сы вӧсна вола, Мед аддзывны рассӧ и яг. Мед сынӧдсӧ йӧлӧс моз юны, Мед уджӧдны сюсьджыка вем, Мед нӧшта мен ӧтчыдысь шуны, Мый шудыс и таын тшӧтш эм.
