КОММУНИСТЪЯС

Ме кута юрын сӧмын сэтшӧм висьтъяс,
Кӧн Ленин — медся радейтана морт,
Кӧн первой радын найӧ — коммунистъяс,
И налӧн туйӧд мунӧ став народ.

И талун аддза: медся водзын сійӧ,
Код коммунистӧн шусьӧ да и эм,
Код бурсӧ вӧчӧ ачыс аслас киӧн
Да зільӧ, медым шуда вӧлі нэм.

Эм коммунистлӧн сӧмын ӧти право,
Дзик ӧти право — водзӧ мунны пыр.
И буретш тайӧн вына роч держава,
Код вӧльнӧй светсьыс некор дзик оз быр.