ЛӦНЬ

Дзик ньӧти абу талун тӧврутор,
Оз весиг кыддзыс корнас кышакылышт.
Тадз сиктӧй луннас лӧня олӧ-вылӧ,
А гажмыштӧ кӧ — сӧмын рытъядор.

И синлы ӧні корсьысьнысӧ нем:
Оз некод некӧн петкӧдчы ни вуджӧрт,
Дзик гӧгӧр сӧмын керкаяссянь вуджӧр,
Но казялан жӧ — олысь тані эм.

Со чомйысь понлӧн ӧшӧдчӧма кыв,
Со польӧ няйтӧ руксігтырйи пырис,
И зонка тонӧ лукйысьӧ со нырас,
А кильчӧ помын пӧльӧ дӧмлӧ тыв.

Эз вӧвлы тані быттьӧ гым ни чард,
Эз вӧвлы тані быттьӧ шогыс, дойыс,
Эз быттьӧ шерӧн сьӧлӧм пытшкӧ койышт,
Эз быттьӧ олӧм сідзсӧ-й-тадзсӧ гарт.

Мед лӧнь кӧ, мед. Тан бушковыс оз ков.
Мед тані енэж лӧзӧн нэмыс олӧ,
Мед синъясысь эз тыдав дой ни полӧм.
Мед лӧнь кӧ, мед. Тадз, сиктӧй, водзӧ ов.