ТОМЛУН

Ӧні эськӧ меным сьывны,
Кыдзи колли томса кад,
Кор ме велӧдчылі кывны,
Кыдзи сьылӧ льӧм пу сад.

Кыдзи быгляліс лӧз гыас
Менӧ муса Эжва ю,
Кыдзи чужтыліс гӧрд кыа
Меным муса чужан му.

Кыдзи аслым кодзув восьті,
Медым сылань лэбны век,
Кыдзи сьӧлӧмъяссӧ косьті
Шӧвк тугъяслысь ачым сэк.

Вӧлі кольмас быдсӧн юрӧй.
Лэбалі кыдз малязі.
Маша, Галя, Нина, Шура,
Помнитанныд он-ӧ ті?