МЫЙ МЕКӦД ЛОИС?

Кӧдзыд тулысыс лоис,
Ньӧжйӧ паськалӧ кор.
Йирмӧг сьӧлӧмӧ воис,
Лоис сьӧлӧмӧй нор.

Кор нӧ шондіа луныс
Менсьым петкӧдлас нюм?
Кор нӧ гажтӧмлун мунас?
Кор нӧ кокняммас дум?

Кор нӧ томлунӧй нуас
Сэтчӧ, кӧні том ныв?
Кор нӧ сьӧлӧмӧй шуас
Сылы меддона кыв?

Пемыд вӧр сайӧ важӧн
Дзебсис кыалӧн вӧнь.
Рытыс тырӧма гажӧн,
Менам керкаын — лӧнь.

Кӧдзыд тулыс и воис,
Ньӧжйӧ паськалӧ кор.
Мый нӧ мекӧд нин лоис,
Мыйла татшӧм ме нор?..