ИЧӦТДЫРЙИ

Ичӧтдырйи вӧлі
Пета быд зэр шӧрӧ.
Понлы гусьӧн нуа
Мамӧн сетӧм шӧрӧм.

Вуграсигӧн гачӧс
Унджыкысьсӧ кыя.
Оз кӧ нинӧм шедышт,
Зорйӧн ваас лыя.

Вугыр шайтӧн эльта
Медся пурсьысь понсӧ.
Ляскасигӧн зіля
Конйыштны век ёнсӧ.

Суседкалысь коркӧ
Кӧзанысӧ нери.
Дӧзмӧдчӧмсьыд сійӧ
Гачӧс мыйкӧкерис...

Порсь вылӧ ме ӧтчыд
Серам вылӧ сӧлі.
Петшӧр пиысь сэсся
Аддзӧмаӧсь вӧлі.

Дэльӧдлі и ӧшкӧс,
Эз вӧв ёна бурыс.
Пышъян туйӧй ӧтчыд
Ӧдва меным сюрис.

Муса челядьдырӧй,
Серам ӧні петӧ.
Но ӧд верстьӧ олӧм
Эз ло эськӧ тэтӧг.