* * *

Сервантын менам тырыс югзьӧ эзысь.
А ӧти дозйысь весиг на эг сёй.
И мыйла эськӧ наысь ме ог мездысь,
Ӧд ставыс быттьӧ синмӧс чуткан дой?

Мен тырмис эськӧ кружка, пань да тасьті,
Кӧть пу, кӧть лемень, медым кӧть и кӧрт.
А вӧравны кӧ, нинӧм ме эг дасьты,
Мен тырмис эськӧ чибльӧг, пурт да пӧрт.

Но мыйкӧ ковтӧм кӧлуйсӧ пыр видза.
Мич пыдди, гашкӧ, туяс. Но и мед.
Ӧд ставыс ӧні вӧчӧны тай сідзи.
И ог жӧ кӧсйы кольччыны и ме.