ВӦВЪЯС ЙЫЛЫСЬ

Еджыд бурыся сыналӧм вӧвъяс
Циркын йӧктӧны ышнясигмоз.
Налы лӧддзыс ни гебйыс оз кӧвъясь,
Налысь бокъяс оз гижйӧдлы рос.

Но мен мыйлакӧ жальӧсь зэв найӧ,
Кӧть и пӧтӧсь да сӧстӧмӧсь пыр.
Кутӧ петӧмысь ывлавыв райӧ
Циркса вӧвъяссӧ пелькӧдӧм жыр.

Налысь кокъяссӧ лысва оз кӧтӧд,
Гожся войыс оз видз вылын су.
Найӧс вильшасьысь тӧвру оз вӧтӧд,
Некод йирсьыны лудӧ оз ну...